Categories
Ilm

SURAH -E- YASEEN

SURAH -E- YASEEN TARJUMA

  1. BISMILLAHI AR RAHMAN AR RAHEEM 
  2. YASEEN*1 ( WAHI KA SUN-NE WALA) 
  3. HIKMAT WALE QURAAN KI QASAM
  4. AAP YAQEENAN (MOHAMMAD) RASOOLOUN MEIN SE HAIN.
  5. JO SIRAATEY MUSTAQEEM PAR THAY 
  6. YEH QURAN ZABARDAST RAHEM KARNEY WAALE KA UTAARA HUA HAI.
  7. TAAKI TUM UN LOGON KO DARAO JIN KE BUZURGH KABHI DARAAEY HI NAHI GAYE ISSI SE WO GHAAFIL HAIN. 
  8. FARMUDAEY KHUDA UN MEIN SE AKSAR PAR YAKHEENAN PURA HOGAYA KE WO IMAAN NA LAAEINGEY. 
  9. BESHAK HUMEY UNKI GARDANOUN MEIN TOUQ DAAL DIYE HAIN AUR WO THOODIOUN TAK HAI. ISSI SE UNKEY SAR UTHEY KE UTHEY REH GAYE . 
  10. AUR HUMNEY UNKEY AAGEY SE BHI DIWAAR BANA DI HAI, AUR UNKEY PEECHEY SE BHI EK DIWAAR PHIR UPAR SE BHI HUMNEY UNKO DHAAP DIYA HAI KE WO AB KUCH NAHI DEKHTEY 
  11. AUR UNKEY HAQ MEIN BARABAR HAI QUWA TUM UNKO DARAAO YA NA DARAAO WO IMAAN NA LAAENGEY. 
  12. DARA TOH TUM USKO SAKTEY HO JO NASIHAT PAR CHALEY AUR BE DEKHEY KHUDA SE DAREY PAS AISE SHAKS KO GUNAHOUN KI BAKSHISH KI AUR UMDAH SE UMDAH AJR KI KHUSKHABARI SUNA DO 
  13. BEHSHAK HUM HI MURDOUN KO ZINDA KARENGEY AUR JO KUCH WO AAGEY BHEJTEY HAIN AUR JO AASAAR UNKEY PEECHEY REH JAATEY HAIN UN SABKO HUM LIKHTEY JAATEY HAIN AUR HUMNEY HAR CHEEZ KO IMAAMEY MUBEEN MEIN JAMA KAR LIYA HAI. 
  14. AUR UNKEY LIYE US BASTI WAALON KI MISAAL BAYAAN KARO KE JIS WAQT HAMAAREY BHEJEY HUE ISI BASTI MEIN AAYE.
  15. AUR US WAQT KO YAAD KARO JAB KE HUM NE UN KI TARAF DO RASOOL BHEJEY PHIR INHOUN NE DONO KO JHUTLA DIYA TOH HUM NE TEESREY RASOOL SE QUWAT PHONCHAAYI AUR IN TEENOUN NE KAHA KE HUM TUMHAARI TARAF KHUDA KE BHEJE HUEY HAIN.
  16. BASTI WAALON NE KAHA KE TUM TOH HUM JAISEY AADMI HO AUR REHMAAN NE KOI CHEEZ NAAZIL NAHI KI , KE TUM ZARA JHOOT BOLTEY HO. 
  17. TAB INHON NE KAHA KE HAMAARA PARWARDIGAAR KHOOB JAANTA HAI KE ZAROOR HUM TUMHAARI TARAF BHEJEY HUE HAIN. 
  18. AUR HUM PAR SIWAEY KHOL KAR POHONCHA DENE KE AUR KUCH NAHI HAI 
  19. BASTI WAALON NE KAHA KE HUM TO TUM KO MANHOOS SAMJHTEY HAIN AGAR TUM BAAZ NA AAYE TO HUM ZAROOR TUM KO SANGHSAAR KARDENGE, AUR ZAROOR HAMAARI TARAF SE TUM KO DARDNAAK AZAAB POHONCHEYGA.
  20. INHOUN NE FARMAAYA KE TUMHAARI BAD SHUGUNI TO TUMHAREY HI SAATH HAI KYA ISSEY KE TUMKO SAMJHAYA GAYA. HAQEEQAT YE HAI KE TUM BADI ZIYADATI KARNEY WAALE LOG HO 
  21. AUR US SHAHER KE INTEHAI HISSE SE EK SHAQS DAUDTA HUA AAYA KEHNEY LAGA KE AYE MERI QAUM RASOOLON KI PAIRAWI KARO 
  22. UN LOGON KI PAIRAWI KARO JO TUM SE KOI UJRATH NAHI MAANGTEY AUR WO HIDAYATH YAAFTA HAIN. 
  23. AUR MUJHEY HO KYA GAYA HAI KE MAIN USKI IBAADATH NA KAROON JISNEY MUJHKO PAIDA KIYA HAI HALAANKEY TUM SABKI BAAZGUZISHT BHI USIKI TARAF HOGI 
  24. KYA MAIN USSEY CHOD KAR AISE KHUDA BANALOON KE REHMAAN MUJHE KOI ZARAR POHOCHANA CHAAHEY TOH UNKI SIFARISH MERE KUCH BHI KAAM NA AAYE AUR NA WO MUJHEY BACHAA HI SAKEY .
  25. MAIN TOH IS SURAT MEIN KHUDI TABAAHI MEIN REH JAAOUNGA 
  26. SO SUN LO MAIN TOH YAKHEENAN TUMHAREY PARWARDIGAAR PAR IMAAN LAYA HOON 
  27. KAHA JAAYEGA KE TU JANNATH MEIN CHALA JA WO KAHEGA KE KAASH MERI QAUM KE LOG BHI YE JAAN LETE 
  28. KE MUJHE MERE PARWARDIGAAR NE KIS WAJHA SE BAKSH DIYA AUR MOAZIZEEN MEIN SE QARAAR DIYA 
  29. AUR IS KE BAAD IS KI QOUM PAR HUMNE AASMAAN SE KOI LASHKAR NAHI UTAARA AUR NA HUME UTAARNE KI KOI ZARURAT THI
  30. IN KE LIYE EK CHEEQ KAAFI THI KE EKA-EK WO BUJH KAR RAHGAYE
  31. BANDOUN KE HAAL PAR KAISA AFSOOS HAI KOI RASOOL BHI UNKE PAAS AISA NAHI AATA JIS KI YE HASI NA UDAATE HO
  32. KYA ITNA NAHI SAMAJHTE KE HUMNE UN SE PEHLE KITNE GROHOUN KO HALAAK KARDIYA KE AB IN KE PAAS PALAT KAR NAHI AATE
  33. AUR ISKEY BAGHAIR CHAARA HI NAHI KE WO SAB KE SAB HAMAAREY SAAMNEY HAAZIR KIYE JAAENGEY 
  34. AUR MURDA ZAMEEN HI INKEY LIYE EK MOUJEZA HAI KE HUM ISKO ZINDA KARDETEY HAIN AUR WO ISMEY SE GHALLEY PAIDA KAR DETEY HAIN JIN MEIN SE YE KHAATEY HAIN 
  35. AUR ISMEY SE KHAJOORON AUR ANGOORON KE BAAGH PAIDA KARTEY HAIN AUR USMEY CHASHMEY BAHA DETEY HAIN.
  36. TAAKI YE UNKEY PHALON MEIN SE BHI KHAAYE AUR APNE HAATHON KI MEHNAT SE BHI KYA AB BHI SHUKR ADA NA KARENGE ?
  37. MUNAZZA HAI WO ZAAT JIS NE HAR CHEEZ KE JODE- JODE PAIDA KIYE IS KE BHI JO ZAMEEN SE UGTI HAIN AUR IN KI ZAAT KE BHI AUR IN CHEEZOUN KE BHI JIN KO YE NAHI JAANTE
  38. AUR RAAT BHI INKEY LIYE NISHAANI HAI JISME HUM DIN KO NIKAAL LAATEY HAIN PHIR YE EKA-EK ANDHERE MEIN REH JAATEY HAIN AUR SURAJ JO APNE EK MUKHARARA MUQAAM KI TARAF CHALA JAATA HAI, YEH EK BADE ZABARDAST SAHEBEY ILM KA MUKHARAR KARDENA HAI 
  39. AUR CHAND BHI JISKI HUMNEY MANZILEY MUQARAR KARDI HAIN YAHAN TAK KE WO PALAT KAR EK SHAAQ KI SURAT EKHTIYAAR KAR LETA HAI. 
  40. NA SURAJ HI KI YE MAJAAL HAI KE CHAAND KO PAKAD PAAYE AUR NA RAAT HI KI YE QUDRAT HAI KE DIN SE AAGEY BADH JAAYE, HALAANKE YE SAB KISI AASMAAN MEIN PHIRTEY REHTEY HAIN. 
  41. AUR EK NISHAANI INKEY LIYE YEH BHI HAI KE HUM NE INKI BUZURGHON KO BHARI HUI KASHTI MEIN SAWAAR KIYA THA 
  42. AUR INKEY LIYE BHI AISI HI CHEEZEIN PAIDA KARDI HAIN JIN PAR YEH SAWAAR HOTEY REHTEY HAIN 
  43. AUR AGAR HUM CHAAHEIN TOH INKO DOOBO DETEY , PAS NA INKA KOI FARIYAADRAS HOTA AUR NA CHUDHAAYE JAATEY 
  44. SIWAYE ISKE KE HAMAARI REHMAT HO AUR EK ARSEY KE LIYE NAFA POHOCHAATA 
  45. AUR JIS WAQT INSEY KAHA JAATA HAI KE TUM APNEY GUZISHTA SE DARO AUR AAINDA SE QAUF KARO TAAKI TUM PAR REHEM KIYA JAAYE 
  46. AUR INKEY PAAS UNKEY PARWARDIGAAR KI NISHAANION MEIN SE EK BHI AISI NAHI AATI JISSEY YE ROOGARDA NA HOTEY HON.
  47. AUR JIS WAQT UNSEY YEH KAHA JAATA HAI KE JO RIZQ KHUDA NE TUMKO DIYA HAI ISSMEY SE KUCH KARCH KARO TO JO LOG KAAFIR HOGAYE HAIN MOMINO SE YE KEHTE HAIN KI KYA HUM ISKO KUCH KHILAAYE JISKO AGAR ALLAH CHAHATA TO KHUD KHILA DETA , TUM SARAYI GHALATI MEIN HO
  48. AUR YEH BHI KEHETEY HAIN KI AGAR TUM SACCHEY HO TO YE WAADA KAB TAK AAYEGA 
  49. ITNA GHOUR NAHI KARTEY KE EK CHEEKH INKO EKA-EK AALEGI AUR YEH LADHTEY JHAGADTEY HI RAHENGEY
  50. PAS NA US WAQT WO KOI WASIYAT KAR SAKEINGEY AUR NA APNEY MAAL, BACHCHON KE PAAS PALAT KAR AAENGEY 
  51. AUR SOOR PHOOKA JAAEYGA TOH EKA-EK WO QABARON SE NIKAL KAR APNE PARWARDIGAAR KE HUZOOR MEIN HAAZIR HONE KE LIYE JALDI JALDI CHALNEY LAGENGE 
  52. KEHTEY HONGE KE HAAYE KHARAABI HUMKO KHWAABGAH SE UTHAA KISNEY DIYA,YAHI TOH WO WAQT HAI JISKA REHMAAN NE WAADA KIYA THA AUR RASOOLON NE SACHCHI QABAR DI THI 
  53. PAS EK HI CHEEKH TOH HOGI KE EKA-EK WO SAB HAMAREY HUZOOR MEIN HAAZIR KARDIYE JAAYENGE 
  54. PAS US DIN NAA TOH US DIN KISI NAFS PAR KOI ZULM KIYA JAAYEGA AUR NA TUM KO KOI BADLA DIYA JAAYEGA SIWAAYE USKE JO AMAL TUM KIYA KARTEY THAY
  55. BESHAK JANNATI LOG TOH US DIN MAZEY UDHAATEY HONGEY
  56. WO AUR UNKI BIWIYAAN TAKHTON PER SAAYE MEIN TAKIYE LAGAAEY BAITHEY HONGEY 
  57. UNKEY LIYE JANNAT MEIN HAR MEWA AUR HAR WO CHEEZ JO WO CHAHENGEY MAUJOOD HONGI.
  58. BADI REHMAT KARNEY WAALE PARWARDIGAAR KI TARAF SE SALAAM KAHA JAAYEGA. 
  59. AUR AYE GUNAHGAARO AAJ KE DIN TUM ALAG HOJAAO 
  60. AYE AULAAD E ADAM KYA MAINEY TUMKO YEH HUKUM NA DIYA THA KE SHAITAAN KE BANDEY NA BANNA WO YAQEENAN TUMHARA KHULA DUSHMAN HAI. 
  61. AUR YE KE MERI IBAADAT KARNA YAHI SEEDHA RAASTA HAI 
  62. AUR USNEY TUM MEIN SE BOHOTON KO GUMRAH KAR DIYA TOH KYA TUM KHUD KOI SAMAJH NA RAKHTEY THAY. 
  63. AB YEH WOHI JHANNUM HAI JISSEY TUM KO DARAAYA JAAYA KARTA THA 
  64. JAISA KE TUM KUFR KIYA KARTEY THAY ISKE BADLEY AAJ ISME CHALEY JAAO
  65. US DIN HUM UNKEY MUH PAR TOH MOHAR LAGA DENGEY AUR UNKEY HAATH HUMSE BAATH KARENGEY AUR UNKEY PAAON JO JO KUCH WO KIYA KARTEY THAY USKI BAABATH GAWAHI DENGEY
  66. AUR AGAR HUM CHAAHEY TOH INKI AANKON KO PAT KARDETEY PHIR WO RAASTEY SE BHI AAGEY BADH JAATEY PHIR WO KAHAN SE DEKHENGE? 
  67. AUR AGAR HUM CHAHATEY TO UNKO YAHI MASQ KARDETEY PHIR NA WO KAHIN JAASAKTEY AUR NA PALAT KAR AASAKTEY 
  68. AUR JISKO HUM ZIYADA UMR DETEY HAIN TO USSEY BANAWAT MEIN JHUKA DETEY HAIN KYA WO ITNA BHI NAHI SAMJHTEY? 
  69. AUR HUMNEY USKO (RASOOL) SHER NAHI SIKHAYA AUR NA YE ISKEY LIYE ZEBA HAI YE TOH SIRF NASEEHAT AUR KHULA QURAN HAI 
  70. TAAKI IN LOGON KO JO ZINDA HAI DARAAYE AUR INKAAR KARNEY WAALON PAR QAUL HAQ SAABITH HOJAAYE. 
  71. KYA WO ITNA NAHI SAMAJHTEY KE JO CHAAHEY HUM UNEY APNI QUDRAT SE BANAAYA HAI UNKEY NAFEH KE LIYE PAIDA KIYE HAIN PAS WO UNKEY MAALIK BANEY HUE HAIN. 
  72. AUR HUM HI NE UN CHOWPAAYON KO UNKA MUTEE KAR DIYA HAI TAAKI UN MEIN SE BAAZ TOH UNKI SAWAARIYAN HAIN AUR BAAZ KO WO KHAATEY HAIN. 
  73. UNKEY LIYE CHOWPAAYON MEIN SE BOHOT SI MUNFATEH AUR PEENEY KI CHEEZEY HAIN TOH KYA WO ISKEY SHUKR GUZAAR NA HONGEY? 
  74. AUR INHON NE KHUDA KO CHODH KAR AUR KHUDA BANA LIYE TAAKI WO UNKI KUCH MADAD KAREIN 
  75. WO UNKI ZARA MADAD NA KARSAKENGEY HAALANKEY INKEY LIYE LASHKAR KE LASHKAR INKEY LIYE HAAZIR REHTEY HAIN 
  76. PAS AYE RASOOL INKI BAATEIN TUMHEY RANJ MEIN NA DAALEIN JO KUCH YE CHUPATEY HAIN AUR JO KUCH YE ZAAHIR KARTEY HAIN HUM ISSEY KHOOB JAANTEY HAIN 
  77. AAYA INSAAN ITNA NAHI SAMAJHTA KE HUMNEY ISKO NUTFEY SE PAIDA KIYA HAI PHIR EKA EK WO KHULAA JHAGDAALU BAN GAYA
  78. AUR HUMAAREY HI LIYE USNEY MISL BAYAAN KI AUR APNI QILQAT KO BHOOL GAYA KEHNE LAGA KE HADDION KO JIS HAAL MEIN KE WO KHAAK HOJAAENGI ZINDA KAUN KAREGA 
  79. TUM KEHDO KE INKO WOHI ZINDA KAREGA JISNEY INKO PHELI MARTABA PAIDA KARDIYA THA AUR WO HAR MAQLOOQ KE HAAL SE WAAKIF HAI 
  80. JISNEY TUMHAAREY LIYE HARE DARAQTH SE AAG PAIDA KARDI KE AB TUM ISSEY SE SULGAATEY REHTEY HO 
  81. AYAA WO JISNEY AASMAANON KO AUR ZAMEEN KO PAIDA KIYA HAI,IS PAR QAADER NAHI HAI KE UNKEY AISEY AUR PAIDA KARDE? ZAROOR QAADER HAIN AUR WO BADA PAIDA KARNEY WAALA AUR JAANEY WAALA HAI. 
  82. YEH FAQAT ISSI KI SHAAN HAI KE JAB KISI CHEEZ KA IRAADA KAREY TO ISSEY SIRF ITNA FARMAAYE HO PAS WO HOJAAYE 
  83. PAS MUNAZZA HAI WO ZAAT JISKEY HAATH MEIN HAR CHEEZ KA IQTIYAAR HAI AUR ISSI KE HUZOOR MEIN TUM SAB KI BAAZGUZISHT.
Categories
Ilm

DUA -E- KUMAYL

KITABUL IQBAL MAIN SYED IBNE TAOOS (RA). RIWAYAT KI HAI KE EK DIN MASJID E BASRA MEIN NIFS E MAHE SHAABAN THA JANAB AMEERUL MOMINEEN (AS) TASHREEF RAKHTEY THAY, KUMAYL IBN ZIYAAD (RA) NE APNE MAULA SE ARZ KI, KE MUJH DUA E QIZR (AS) TALEEM FARMAYEN. 

YEH DUA E QIZR HAI JO DUA E KUMAYL KE NAAM SE MASHOOR O MAROOF HAI

BISMILLAH IR REHMAAN NIR RAHEEM.

AYE ALLAH MAIN TUJHSE TERI IS REHMATH E KAAMILA KA WAASTA DEKAR JO HAR CHEEZ BADI HUI HAI AUR ISKA WASTA JISKI WAJEH SE TU HAR CHEEZ PAR GHALIB HAI, AUR HAR CHEEZ NE ISKEY AAGEY SAR JHUKAYA HAI.AUR HAR CHEEZ ISSE PASTH HAI. AUR TERE IS JABAROOT KA WASTA DE KAR SAWAAL KARTA HOON JIS KE SABAB SE TU HAR CHEEZ PAR GHALIB AYA AUR TERI IS IZZAT KA WAASTA DE KAR SAWAAL KARTA HOON JISKE SAAMNEY KOI CHEEZ NAHI TEHERTI, AUR TERI IS AZMAT KA WAASTA DE KAR SAWAAL KARTA HOON, JO HAR CHEEZ PAR NAZAR AATI HAI, AUR TERI IS SALTANAT KA WAASTA DE KAR SAWAL KARTA HOON , JO HAR CHEEZ PAR CHAAYI HUI HAI, AUR TERI ZAAT KA WAASTA DE KAR SAWAAL KARTA HOON JO HAR SHAYE FANA HO JAANE KE BAAT BAAKHI RAHEGI, AUR UN MOQADDAS NAAMO KA WAASTA DEKAR JIN SE HAR CHEEZ KE AALA HISSE BHAREY HUE HAIN, AUR TERE IS ILM KA WAASTA DEKAR SAWAAL KARTA HOON JO HAR CHEEZ KA AHATA KIYE HUE HAI , AUR TERI ZAAT KE IS NOOR KA WAASTA DEKAR SAWAAL KARTA HOON JIS KE WAJEH SE HAR CHEEZ MAIN CHAMAK DHAMAK HAI , AYE NOOR AUR AYE SABSE ZIYAADA PAAK AUR PAKEEZA, AYE SABSE PEHLO SE PEHLE, AYE SABSE AAKHIRON KE AAKHIR, YA ALLAH MERE SAB WOH GUNAH BAKSH DE JO NAMOOS MEIN BATTA LAGA DEY TE HAIN, AYE ALLAH MERE WOH SAB GUNAH BAKSH DE JO NUZOOL E BALA KA BAIS HOJATEY HAIN, YA ALLAH MERE WOH  SAB GUNAH BAKSH DE JO NEYMATON KO BADAL DETEY HAIN, AYE ALLAH MERE WOH SAB GUNAH BAKSH DE JO DUAON KO KHUBOOL HONE SE ROKTEY HAIN, YA ALLAH MERE WOH SAB GUNAH BAKSH DE JO UMEED KO PURA NAHI HONE DETEY. YA ALLAH MERE WOH SAB GUNAH BAKSH DE JIN SE BALA NAZIL HOTI HAI, YA ALLAH MERE WOH SAB GUNAH BAKSH DE JO MAINEY KIYE HON AUR HAR IS GUNAH KO BAKSH DE JO MUJSHE HO GAYA HO, YA ALLAH MAIN TERI YAAD KE ZARIYE SE TERE HUZOOR MAIN KHURBATH CHAHATA HOON, AUR TERI HI ZAAT KO APNA SIFAARISHI TEHRATA HOON, AUR TERE JOOD WA BAKSHISH KO AUR KARAM KO ZARIYE GARDAAN KAR TUJHSE SAWAAL KARTA HOON KE MERE LIYE APNA QURB ZIYADA KAR AUR MUJHE APNI NEYMATON KA SHUKRIYA ADA KARNE KI TAUFIQ ATA FARMA.AUR APNI YAAD MERE DIL MEIN DAAL, YA ALLAH MEIN TUJSE GID GIDANEY WAALE, QUZU WA QUSHU KARNE WAALE AUR ROTEY AUR PEETEY HUE SAWAAL KARTA HOON, TU MERI QATAAON PAR CHASHM POSHI FARMA, AUR MUJHPAR REHEM FARMA AUR JO KUCH TUNEY MERE HISSEY LAGA DIYA HAI IS PAR MAIN RAAZI RAHOON, AUR KHANAAT KAROON. AUR HAR HALATH MEIN TERE BANDON SE BATAWAZE PESH AAON, YA ALLAH MEIN TERE HUZOOR MEIN, IS SHAKS JAISA SAWAAL KARTA HOON JIS PAR FAAQE KE KADAKEY GUZARTEY HAIN AUR TERE HUZOOR MEIN SAKHTION KI HAALAT MEIN APNI HAAJATH ISNEY PESH KI HO AUR JO KUCH TERE QAZAANEY MEIN HO, ISKE BAAREY MEIN ISKI KHAISH BADI HUI HO, YA ALLAH TERI DALEEL BADI KHAWI HAI, AUR TERA RUTHBA BOHOT BALAND HAI, AUR TERA BADLA LENA SAMAJH SE BAHAR HAI, AUR TERA HUKM ZAHIR HAI, AUR TERA QAHAR GHALIB HAI AUR TERI QUDRATH KA NIZAAM CHAL RAHA HAI, AUR TERI HUKUMATH SE BHAAG KAR NIKAL JANA NAMUMKIN HAI. YA ALLAH MAIN TOH APNE GUNAHON KE LIYE BAKSH DENE WALA AUR BURAIYO KE LIYE PARDAH POSHI KARNEY WALA AUR JO BHI MERI BAD AMALI HO ISKO NEKI SE BADAL DENE WALA TERE SIWA KISKO NAHI PATA. SIWAYE TERE KOI MAABOOD NAHI JOH MUNAZZA HAI, AUR MAIN TERI TAREEF KARTA HOON, MAINE APNI ZAAT PAR ZULM KIYA AUR APNI JEHALATH SE JARI HOGAYA, AUR CHOONKEY TU HAMESHA SE MUJH PAR EHSAAN KARTA RAHA HAI AUR TERI YAAD MERE DIL MEIN BAITI HAI ISSEY ITMENAAN KAR LIYA, YA ALLAH AYE MERE MAALIK TU NEY KITNI MERI BADIYON PAR PARDA DAAL DIYA AUR KITNI SAKHT SE SAKHT BALAON KO TU NEY TAAL DIYA, AUR KITNI QATAAON SE TUNEY BACCHA LIYA HAI AUR KITNI AZEEYATON KO TUNEY DAFA FARMA DIYA HAI. AUR KITNI MERI KHOOBIYAN JIN KA MAIN MUSTAHAQ NA THA TUNE LOGON MEIN MASHOOR KARDI HAI, YA ALLAH MERI AZMAISH IS WAQT BADH GAYI HAI AUR MERI BADHALI HAD SE GUZAR GAYI HAI, AUR MERE NEK AMAAL KAM HOGAYE HAIN, AUR SAQT TAKLEEFON NE MUJHE BITHA DIYA HAI AUR MERI UMEEDON KI DARAZI NE MUJHE NAFE SE BAAZ RAKHA HAI, AUR DUNIYA NE MUJHKO FAREB DIYA DHOKEY MEIN RAKHA AUR MERE NAFS NE APNI KHAYANATH AUR TAAL MATOL SE MUJHE DHOKA DIYA, AYE AQA BAS MAIN SAWAAL KARTA HOON TUJHSE TERI IZZAT KA WAASTA DE KAR KE MERI BAD AMALI AUR BAD FAILI MERI DUA KO TERE HUZOOR MEIN POHOCHNE SE NA ROKEY AUR MERE JIN POOSHIDA RAAZON SE TU MUTALLEH HAI INKO ZAHIR KARKEY MUJHE FAZEEHAT MEIN NA DAAL, AUR MAIN APNI GHAFLATH , KHWAHISHOUN KI KASRAT APNI JEHALATH AUR NEKI KI TARAF KAM RAQBATHI KE SABAB JO JO BURAIYAAN CHUP CHUP KE KAR CHUKA HOON INKI MUJHE SAZA DENE MEIN JALDI NA FARMA, AUR AYE ALLAH TERI IZZAT KA WAASTA  MUJHPAR HAR HAAL MEIN MEHERBAANI FARMA, AUR MERE TAMAAM MAMLAATH MEIN SHAAN WA MEHERBANI DIKHLA, AYE MERE MAABOOT AUR AYE MERE PARWARDIGAR MERA TERE SIWA AUR HAI KAUN JISSE MAIN APNI MUSEEBATH KE DOOR KARNE KA AUR APNE MAAMLEY MEIN GHAUR KARNEY KA SAWAAL KAROON, AYE MERE MAABOOT AYE MERE MAALIK TUNE MERE LIYE EK HUKM JAARI KIYA JISME MAINEY APNI KHWAHISH E NAFSAANI KI PAIRWI KI AUR ISKI KOI NIGRAANI NA KI MERE DUSHMAN NE IS KHWAHISHE NAFSAANI KO MERI NAZAR MEIN ZEENATH DE DI. ISI TARAH JO KHWAHISH MERE DIL MEIN PAIDA HUI THI ISKEY ZARIYE SE MERE DUSHMAN NE MUJHE DHOKA DIYA AUR KHAZA WA QADR NE IS MUAMLEY MEIN ISKI SADATH KI, IS TARHA TERI MUQARRAR KI HUI HUDOOD SE AUR TERE JAARI KIYE HUE HUKM SE MAIN KUCH TAJAWUZ KAR GAYA AUR TERE BAAZ EHKAAM KI MUJHSE MUQALEFATH HOGAYI, BA HAR HAL IS TAMAAM MUAMLEY MEIN MERE ZIMMEY TERI HAMD BAJA LANA WAAJIB HAI, AUR JIS JIS AMR MEIN TERA FAISLA MERE BAR KHILAAF JAARI HUA AUR TERA HUKM AUR TERI AAZMAISH MERE LIYE LAAZIM HUI ISME MERI KOI HUJJATH NAHI HAI , AYE MERE MAABOOTH BAAD APNI KOTAHI AUR APNE NAFS PAR ZIYADATI KARNEY KE UZAR KARTA HOON AUR NADAMATH KE SAATH INKESARI KE HAALAT MEIN TALAB E MAGHFIRAT KARTA HOON, AUR GIDGIDATA HUA IKHRAAR KARTA HOON , GUNAHON KE DOOR HONE KE YAQEEN KE SAATH TERE HUZOOR MEIN HAZIR HUA HOON ISLIYE KE JOH KUCH MUJSE HO GAYA HAI ISSE NA KAHIN BHAGNEY KA THIKANA PATA HOON AUR NA RONE PEETNEY KI JAGAH KE JAHAN APNA MUAMLA PESH KAROON,SIWAYE ISSKE KE TU MERA UZAR QUBOOL KARLEY AUR APNE WASAT E REHMAT MEIN DAAKHIL KARLEY AUR MERA KOI THIKANA NAHI HAI, YA ALLAH SO AB MERA UZAR QUBOOL KARLEY AUR MERI TAKLEEF KI SAQTI PAR REHEM KAR AUR MERI JAKAD BANDIYON KO DOOR KAR AUR MERE PARWARDIGAR MERI JISM KI NATAWANI AUR MERE JILD KI KAMZORI AUR MERI HADDION KI KAMZORI PAR REHEM FARMA AUR WOH JISNE MERI PAIDAISH BHI SHURU KI MERA NAAM BHI NIKAALA MERI PARWARISH KA SAMAAN BHI KIYA MERE HAQ MEIN HAR TARHA HI NEKI BHI KI AUR MUJHE GHIZA DE KE BAHAM POHONCHAYE JAISE TUNE KARAM KI IBTEDAH KI THI AUR PHELE SE MERE HAQ MEIN NEKI KARTA AATA HAI WAISE HI BARKHARAR RAKH AYE MERE SARDAAR AYE MERE PARWARDIGAR BAAD ISKEY KE MAIN TERI TAWHEED KA IQRAR KARTA HOON AUR BAAD ISKEY KE MERA DIL TERI MOHABBAT SE SARSHAAR HO CHUKA HAI AUR MERI ZABAAN TERI YAAD MEIN RUTHBUL LISAAN HAI, AUR MERA DIL TERI MOHABBAT KI GARA BANDHEY HUYE HAI AUR ISKE BAAD MAIN TUJHE PARWARDIGAR MAAN KAR SACCHEY DIL SE APNE GUNAHOUN KA ETERAAF KARTA HOON AUR GIDGIDA KAR TUJHSE DUA MAANGTA HOON KYA TU ISKO PASAND FARMAYEGA KE MUJHE APNE JAHANUM MEIN AZAAB PATA DEKHEY AISA TOH HO NAHI SAKTA TERA KARAM ISSEY KAHIN ZIYADA HAI, KE TU ISKO ZAYA KARDE KE JISKO TUNE KHUD PARWARISH FARMAYA HO YA ISKO DOOR KARDE JISKO KHUD QURB ATA FARMAYA HO YA ISKO NIKAL DE JISKO TUNE KHUD PANAH DI HO YA ISSKO BALA KE HAWALEY KARDEY JISKEY LIYE TUNE KHUD KIFAYATH FARMAI HO JISPAR TUNE KHUD REHEM FARMAYA HO AYE MERE SARDAAR AYE MERE MABOOD AYE MERE MAULA YE BAATH MERE SAMAJH MEIN TOH AATI HI NAHI KE TU AATISH E JAHANUM KO IN CHEHRON PAR MUSALLAT FARMADEGA JOH TERI AZMATH KE LIYE TERE HUZOOR MEIN SAJDA KARCHUKEY HON AUR IN ZABAANO PAR MUSALLAT FARMAYEGA JOH SACHAI KE SAATH TERI TAWHEED KE BAREY MEIN GOYA HO CHUKI HON AUR TERI SHUKRIYA MEIN TERI MADHA KAR CHUKI HON AUR IN DILON PAR MUSALLAT FARMA DEGA JOH IZHAARE HAQEEQAT KE TAUR PAR TERE MAABOOD HONE KA ITERAAF KAR CHUKI HON AUR IN KHAYALAAT PAR MUSALLAT FARMAYEGA JINHE TERA ILM IS KHADAR MAYASAR HUA HO KE TERI HI HUZOOR MAIN PASTH HUE HON AUR IN HAATHON PAON PAR MUSALLAT FARMA DEGA JIN KI BAGH-DOR ISSI HAD TAK MEHDOOD RAHI KE BARZA WA RAQBATH TERA BANDA HONEY KA IQRAR KARE AUR YAKEEN KE SAATH TALAB E MAGHFERATH KARNE KI KOSHISH KARE. AYE SAHEBEY KARAM NA TOH TERI NISBATH AISA YAKHEEN HAI AUR NA TERE FAZAL KE MUTALAQ HAMEY AISI KHABAR DI GAYI HAI AYE MERE PARWARDIGAR HALAANKE TU MERI KAMZORI KO JAANTA HAI KE DUNIYA KI ZARA ZARA SI AZMAISH AUR ISKI CHOTI CHOTI SI TAKLEEFEIN AUR JO MAKROOHAAT AHLE DUNIYA PAR GUZARTI HAI INHEY MAIN BARDASHT NAHI KAR SAKTA BAWAJOOD YEH KE WOH AAZMAISH AUR TAKLEEF DERPA NAHI HOTI ISKI MUDATH THODI AUR ISKI BAQAH CHAND ROZ HOTI HAI, TOH BHALA PHIR MUJHSE AAKHIRATH KI BALA AUR WAHAAN KI BADI BADI MAKRUHAAT KI BARDAASHT KYUNKAR HOSAKEGI HALAANKE WAHAAN KI BALA KI MUDDAT TOOLANI AUR QAYAAM USKA DAEMI HOGA AUR JO IS MEIN PHAS JAYENGE IN KE AZAAB MEIN TAQFEEF NA KI JAYEGI IS LIYE WO AZAAB TERE GHAZAB TERE INTEQAAM AUR TERE GHUSSE KE SABAB SE HOGA AUR TERE GHUSSE KI NA AASMAAN BARDAASHT KAR SAKTA HAI AUR NA ZAMEEN AY MOULA MERE, BHALA MERI KYA HALAT HOGI HALAANKE MAIN TERA EK KAMZOOR WA ZALEEL WA MISKEEN WA AAJIZ BANDA HOON AY MERE MABOOD AUR MERE PARWARDIGAAR  AUR MERE WALI AUR MERE MOULA KIN KIN MUAMLAAT KI TERE HUZOOR MEIN SHIKAYAT KAROONGA AUR KIN KIN BAATOUN KE LIYE RO-OUN AUR CHILLAOUNGA DARDNAAK AZAAB AUR IS KI SAQTI KE BA-ES.

Categories
Ilm

SURAH E QADR

97. Surah Al-Qadr

               BISMILLAHI AR RAHMAN AR RAHEEM

INNAA ANZALNAAHU FEE LAILATIL QADRBeshak Humne Isko Shabe Qadr Me Nazil Kiya
WA MAA ADRAAKA MA LAILATUL QADRAur Tum Kya Samaje Ke Shabe Qadr Kya Hai? 
LAILATUL QADRI KHAIRUM MIN ALFEE SHAHRShabe Qadr Hazar Mahino Se Behtar Hai
TANAZ ZALUL MALAA-IKATU WAR ROOHU FEEHA BI IZNI-RAB BIHIM MIN KULLI AMRIsme Rooh Aur Kul Farishte Apne Parwardigar Ke Hukum Se Har Moamela Lekar Utarte Hain
SALAAMUN HIYA HATTAA MAT LA’IL FAJR(Ye Raat) Fajr Ke Tulu Hone Tak (Salamati) Salamati Hai.

WA MAA ADRAAKA MA LAILATUL QADR – Al-Mani Me Janab Ameerul Momeneen (a.s.) Se Manqool Hai Ke Janabe Rasulekhuda SAWS Ne Dariyaft Kiya Ke YA ALI (a.s.) Aaya Tum Jante Ho Ke LAILATUL QADR Ke Kya Mani Hain? Maine Arz Ki Ya Rasoolallah SAWS Jab Tak Huzoor Na Batlaen Mai Kyunkar Janu? Farmaya Ke Allah Ne Isi Raat Me Jo Kuch Qayamat Tak Hone Wala Hai Sab Muqarrar Farmaya Hai.  Pas Minjumla In Sab Bato Ke Tumhari and Tumhari Aulad Ki Wilayat Bhi Hai Jo Qayamat Tak Rehnewali Hai. (Qurane Majeed Ke LAILATUL QADR Me Nazil Hone Ka Matlab Kya Hai? Iskeliye Dibache Ka Nawan (9) Muqaddama Dekho).

SAFA 716 NOTE NO. 5:  LAILATUL QADRI KHAIRUM MIN ALFEE SHAHR – Kaafi Me Imam Jafare Sadiq (a.s.) Se Manqool Haike Janabe Rasulekhula SAWS Ne Khwab Me Ye Dekha Ke Bani Umayya Aanhazrat SAWS Ke Baad Inke Mimbar Par Chadte Hain Aur Logon Ko Rahe Rast Se Hatakar Pichle Paon Laotate Hain. Pas Subha Ko Aanhazrat SAWS Bahot Ranjida Aur Maghmoom Thay Ke Jibraeele Ameen (a.s.) Nazil Huwe Hain Aur Arz Ki Ye Kya Baat Hai Ke Mai Aapko Ranjida Wa Maghmoom Pata Hoon? Farmaya Aye Jibraeel (a.s.) Maine Aaj Hi raat me dekha ke mere baad mere mimbar par bani umayya chadte hain aur logon ko rahe rast se bhatka kar piche hatate hain.  Jibraeele Ameen (a.s.) Ne arz ki uski qasam jisne Aap (SAWS) Ko maboos farmaya hai mujhe abtak is amr ke mutalliq koi ittela nahi hai.  Chunacke wo hud aasman ko gaye aur zyada der na guzri ke Qurane Majid ki kycg ayaten leka aaye kinse aanhazrat (saws) ko sukun wa itemanan huwa.  Wo ayaten hasbe zael hain AFARATA IM MATANAHUM SININA SUMMA JAAHUM MA KANU YUADUNA MA AGNA ANHUM MA KANU YAMATTAOON (Dekho Safa 449 Satar 9) Neez INNA ANZALNAHU…..ta…..KHAIRUM MIN ALFEE SHAHR jiska ye matlab hai ke khudaye ta’ala ne apne nabi keliye shabe qadr ko hazar mahine se jisme bani umayya saltanat ke malik honge behtar qarar diya.  Tafsire majmaul bayan me hazrat Abdullah Ibne Abbas (r.a.) se manqool haike janabe rasulekhula saws ke samne bani israeel ke ek shaks ka zikr kiya gaya jisne rahe khuda me ek hazar mahine apne kandhay par talwar utayi thi.  Jisse aanhazrat (saws) ne bahot tajjub kiya aur ye aarzu bhi ki ke meri ummat me bhi aisa koi hota aur ye arz bhi ki ke khudawanda meri ummat ko tu ne umren bhi kam di hain aur aamaal bhi unke thode hain pas khudae taala ne aanhazrat (saws) ko sabe qard ata farmai aur ye irshad farmaya ke shabe qadr un hazar mahino se behtar hai jinme us israeli ne rahe khuda me hathyat uthaye the aur ye maqsoor aap keloye hai.  Aur aap ke baad aap ki ummat keloye qauamat tal har maae mubarake ramazan me hoti rahegi.  Kaafi me hai ke Janabe Imam Mohammade Baqir alaihis salaam se khudae taal ke is qaol INNA ANZALANHU FI LAILATIM MUBARAKATIN (Dekho Safa 791 Satar 7) Ka Matlab dayaftkiya gaya to farmay \a ke haan yehi shabe qadr hai.  Aur ye har baras mahe mubarake ramazan ke aaqri ashreh me hoti hai aur qurane majeed shabe qadr hi me nazil huwa hai.  Neez manqool haike kisi ne inhi Hazrat (a.s.) se dariyaft kiya tha ke shabe qadr kis shab ko hoti hai? To farmaya Isay ekiswee shan me talash karo ya teiswee me.  Aur ek riwayat ke bamaojib ye farmaya ke unniswee, ekiswee, teiswee.  Kisi ne arz ki ke agar aadmi ko takan aariz hojaye ya bimar hoto in shabo me se sab se zyada bharosa kis par hai? Farmaya teiswee par.  Aur Janabe Imam Mohammede Baqir ya Janab Imam Mohammade Jafare Sadiq alaihuma salaam se ye bhi riwayat hai ke iski alamat ye hai ke hawa khushboodar hojati hai aur masoam agar sardi ka hai to wo raat garam hojati hai aur agar garmi ka hai to sard hojati hai.  Kaafi me Janabe Imam Ali Naqi alaihis salaam se manqool haie his haal me mere walide majis kaaba ka tawaf farma rahe the ek shaks naqab post aaya aur Harrat (a.s.) ke rareeb hokar aapko poore saat chakkar na karne diye aur aapko ek makan me ke gaaya jo kohe safa ke pehlu me hai.  Mujhe bhi wahin bulaya aur ye kaha ke Ibne Rasoolallah saws ka aana mubarak ho.  Phir apna haath mere sar par rakha aur ye kaha e aye wo shaks jo baad apne aaba o ajdad ke ameene khuda hain.  Knuda aap ki asl me barkat de.  Aye Abu Jafar (a.s.) Ji chahe tum mujhe khabar do aur agar chaho to mai tumhe khabar doon.  Agar ji chahe aap mujh se kuch sawal karen aur agar manzoor ho mai aap se kuch sawal karun.  Ji chahe aap meri tasdeeq kihiye aur manzoor ho to mai aap ki tasdeeq karun?  Hazrat (a.s.) ne farmaya mujhe ye sab baten manzoor hain.  Is shaks me kaha to aisa na ho ke mere sawalat ke waqt aapki zaban se kuch aur nikle aur dilme merei nisbat kuch aur ho? Farmaya aisa to wo shaks karsakta hai jiske dilme do ilm hon (aur) inme se ek doosre ka muqalif ho.  Aur khudaye taala ne is ko riwa hi nahi rakha ke is ke ilm me iqtelaf ho.  Is shaks ne kaha ke mera sewal yehi hai ke hiske ek juz ki tafseel aap khud hi farmagaye.  Mujhe isi ilm ki khabar dijiye ke hisme koi iqtelaf nahi hota ke iska janne wala kaun hai?  Farmaya sara ilm khudaye azza wa jal ke paas hai magar itna hissa jiski char wa nachar bando ko zarurat nahi hoti hai wo aosiya ke paas hai.  Ye sunkar us shaks ne apni naqab palat di.  Sidha ho baitha.  Chehra iska bashshash hogaya.  Isne kaha ke yehi meri gharz hai aur mai isiliye aaya hoon  aap ka ye guman haike is ilm ka ek hissa jisme kisi tarah ka iqtelaf nahi hota aosiya ke paas hai to wo aosiya ko hasil kistarah hota hai?  Farmaya isitarha jis taraj Janabe Rasulekhula SAWS ko hasil hota tha.  Farq itna hai ke Janabe Rasulekhula SAWS farishto ko dekhte the ke wo nabi the aur aosiya faqat aawaz sunte hain.  Is wastay ke ye mohaddish hain.  Janabe Rasulekhula SAWS jis waqt khudaye taala ki janib tawajjo karte the to wahi sunlete the aur ye wahi nahi sunte.  Inko Ilham hojata hai.  Is shaks ne kaha Yabna Rasulallah saws Aap ne sach farmaya.  Magar ek sawal mera is se bhi zyada saqt hai.  Bhala mujhe ye to batayiye ke ye ilm aosiya se isitarah kyun nahi aam taor par zahir hota jaisa ke Janabe rasulekhula saws se zahir hota tha? Hazrat (a.s.) farmate hain ke mere walide majib ye sunkar mutabassim huwe aur irshad farmaya ke allah ko ye manzoor nahi hai ke siwaye in logon ke jinka imtehan eman ke zariye se kar chuka hai kisi aur kko is ki ittela ho.  Jaisa ke Janabe rasulekhula saws Ke baryy me ye tae farmaya tha ke apni qaom ko ezadahi par sabr kiye chale jaen aur jab tak hukm na mile inse jihad na karen Pas Aanhazrat (saws) chupate rahe ta ankay ye farmaya FASDA BIMA TUMARU WA AARIZ ANIL MUSHREKINA (Dekho Safa 425 Satar 1) aur qasam bakhuda agar Aanhazrat (saws) is se pehle bhi zahir karte to mamoon rehte.  Lekin inhone itaat ko madde nazar rakha aur khilaf karne se khaef rahe.  Isi wajah se zaban ko roka.  Isitarah mai bhi chahta hoon ke tum is ummat ke Mehdi (a.s.) ke muntazir raho.  Jiski nusrat aasman wa zameen ke kil farishte Aale Daood (a.s.) ki talwaro ke ssath karenge.  Jo kafir margaye honge inki ruhon ko azab denge aur jo zinda honge inke jismo se ruhen nikalkar murda kafero ki ruhon se inko miladenge.  Ye Sunkar is shaks me ek talwar nikali aur kaha ke aaya ye bhi inhi me se hai? Hazrat (a.s.) farmat hain ke mere walide majid ne irshad farmaya ke isi ki qasam jis ne Mohammed Mustafa saws Ko tamam aadmiyon par fazilat di hai.  Beshak ye inhi talwaro me se hai.  Is shaks ne phir naqab apni odh li aur kaha ke mai Ilyas (a.s.) hoon.  Maine Aap se Aap Ke Moamele me jo kuch diriyaft kiya wo azrue jahalat nahi dariyaft kiya balke maine ye chaha ke is hadees se aap ke ashab ko quwwat pohanche aur ab mai ek ayat batlata hoon ke aap to isse jante hain magar agar aap ke shia iske zariye se muqasema karen to ghalib aaenge.  Hazrat (a.s.) farmate hain ke mere walide majid ne farmaya ke aapki marzi ho to mai hi wo batladoo?  Inhone kaha behtar hai.  Phir mere walide majid ne farmaya ke agar hamare shia hamare muqalefeen se ye dariyaft karen ke khudae taala apne rasool saws se famata hai INNA ANZALNAHU FI LAILATIL QADR To aaya ilm me se kuch aisi baten bhi thee jinko Janabe rasulekhula saws is raat tak nahi jantay the ya kuch aisi bhi thee hinko Jibraeel (a.s.) is raat ke siwaye bhi lae the? To wo yehi kahenge gke nahi! Us waqt unse ye kaho ke aaya koi ilm aisa hai jiska is raat ko zahir karna zaruri tha? Ispar kahenge nahi! Tab inse ye kaho ke Janabe rasulekhula saws ne ilme khuda se jo kuch bhi zahir kiya hai isme kuch iqtelaf hai? Agar wo kahenge hai to tum ye kaho ke jisne khuda ka aisa hukum pohanchaya hai jisme iqtelaf hai zaroor janabe rasulekhula saws ka muqalif hai.  Inhe kehna padega ke haan hai.  Aur agar wo nahi kehden to unki pehli baat ke barkhilaf padega.  Tum inse ye kaho MA YALAMO TAWILAHU ILLALLAH WAR RASEQUNA FIL ILM (Dekho Safa 74 Satar 8) Phir agar wo kahen ke ilm me mazboot kaun hain? To Tum Kehdo ke Ilm Me iqtelaf nahi hota.  Phir bhi agar dariyaft karen ke aakhir batao to wo kaun hain? To Tum kaho ke pehle to inme se Janabe rasulekhula saws hain. Aaya inhone pohancha diya ya nahi? Agar wo kahen ke pohanchadiya to phir dariyaft karo ke aaya Janabe rasulekhula saws ka inteqal bhi hogaya ya nahi? Aur Jo Khalifa Aanhazrat (saws) Ke baad hai aaya isko aisa ilm hai jisme iqtelaf na ho?  Agar wo kahen nahi hai to tum ye kaho ke Janabe rasulekhula saws ka khalifa moayyad minallah hai aur Janabe rasulekhula saws kisi aur ko khalifa karenge nahi siwaye iske jo aanhazrat (saws) ke faislay ke bamaojib to faisla kare aur siwaye nabuwwat ke aur sab baton me Aanhazrat (saws) ke manind ho.  Aur agar Janabe rasulekhula saws ne apne ilm ke bare me kisi ko khalifa nahi kiya to ummat ke jitne log baad me paida honewale the sabko zaya kardiya.  Aur agar tumse wo ye kahen ke Janabe rasulekhula saws ka ilm to quran se tha to tum ye kaho ke qurane majeed me ye bhi maojood hai HAA MEEM WAL KITABIL MUBEEN INNA ANZALNAHO FI LAILATIM MUBARAKTIN INNA KUNNA MUNZEREEN.  FIHA YUFRAQU KULLO AMRIN HAKEEMIN.  AMRAM MIN INDENA INNA KUNNA MURSELEEN. (Dekho safa 791 satar 3)  phir agar tum se wo ye kahen ke allah to nabi ke siwa kisi ke paas bheja hi nahi karta to tum jawab me ye kaho ke ye amr mohkam jo alag alaf kiya jata hai.  Ye to farishton ki aur rooh ki taraf se hota hai (aur farishton ka aur rooh ka utarna sabit hai TANAZZALUL MALAEKATO WAR ROOHO FIHA BEIZNE RABBEHIM MIN KULLE AMRIN) To aaya ye farishte aur rooh kisi ek aasman se doosre aasman ki taraf utar kar aate hain? Agar wo ye kahen ke aasman se aasman ki taraf aate hain to tum ye kaho ke kisi aasman me to koi aisa hai hi nahi jo khuda ki itaat chodkar nafarmani kare. Aur agar wo ye kahen ke aasman se zameen ki taraf aate hain aur zameen hi ke rehne wale tamam maqlooq se zyada iske mohtaj hain to tum ye kaho ke unko kisi sayyed wa sardar ki zarurat hai jiske paas wo apne bhagde qaziyye faisle keliye lejaen.  Agar wo ye kahen ke khalifa jo bhi ho wo unka hakim hai to tum kaho ke khudaye taala farmata hai ALLAHO WALIUL LAZINA AAMANU YUQREJOHUM MINAZ ZULUMATE ILAN NOOR.  WAL LAZINA KAFARU AOLIYA’AHUMUT TAGHUTO YUQREJUNAHUM MINAN NOORE ILAZ ZULUMAAT.  OULAEKA ASHABUN NAARE HUM FIHA QALEDOON. (Dekho Safa 66 Satar 8) Is se ye maloom huwa ke aasmano me aur zameen me koi wali khuda ka aisa nahi hai jiski taeed khud khudaye taala na farmata ho.  Aur jiski taeed khudaye tala farmaega is se koi khata na hogi.  Aur Zameen Me Koi Dushman Khuda Ka aisa nahi hai jo khuda ki nusrat se mehroom na ho.  Aur jo nusrat se mehroom hai is se kisi sawab ki baat ki ummid nahi hosakti.  Ab jaisa ke ye zaroor hai ke har amr aasmaan se utrega jiske mutabeq zameen ke rehnewalay amal daramad karen isitarha ye bhi zaroor hai ke koi sahibe amr ho jiske paas wo amr utare.  Agar wo kahen ke hum to aise kisi ko nahi jantay?  To tum Kaho Ke Ab Jo Tumhara Ji Chahe kaho.  Khudaye Taala ne to isko rawa nahi rakha ke baad Janabe Mohammade Mustafa SAWS ke Apne bando ko bila hujjate khuda aur bila Waliyye Amr ke chod de.  Hazrat (a.s.) farmate hain ke itna irshad farmakar mere walide majid khamosh hogaye.  Ispar Hazrate Ilyas (a.s.) ne kaha Yabna Rasulallah SAWS ek atkao hai.  Bhala wo agar ye kahen ke allah ki hujjat qurane majeed hai? Farmaya is surat me mai inhe ye jawab doonga ke Quran to bolne wala nahi hai ke wo kisi khaas cheez ka hukum deta ho aur kisi baat se mana karta ho balte quran ke kuch ahel hain jo hukum bhi dete aur mana bhi karte hain.  Neez ye kahunga zameen ke rehnewalo me se kisi kisi par koi musibat aisi aapadti hai jo is saal keliye maqsoos hoti hai aur aisa bhi hukum inko milta hai jisme iqtelaf hota hai.  In bato ka koi zikr qurane majeed me nahi hai.  Aur allah Taala ko ye manzoor nahi haike iske ilm me jo aazmaesh hain wo zameen me aamtaor par zahir hojaen.  Aur Iske hukum me inka rad karnewala bhi koi nahi aur na ahle zameen ki musibat ko dafa karnewali koi cheez hai.  To Ab Kya kahenhe?  Hazrate Ilyas (a.s.) ne kaha Yabna Rasulallah saws Yahan To Aakar band hojaenge.  Maine Is baat ki gawahi deta hoon ke Khudaye Azza Wa Jal khoob jaanta hai ke maqlooq par zameen me kaunsi musibaten padnewali hain aur deen ke baray me ya aur aur tarah khud unki zaat par kya kya musibaten aanewali hain.  Qurane majeed ko to sirf ek raahbar banadiya hai.  Phir Hazrate Ilyas (a.s.) ne kaha Yabna Rasulallah saws Agar Koi Kahe ke qurane majeed raahbar kiska hai?  Farmaya Haan Iska jawab ye hai ke isme ahkaam ijmal ke saath hain aur inki tafseer wa tafseel hakim ke paas hai.  Aur Khudaye Taala Ko Ye Kisi Tarha Manzoor Nahi Ke Iske Bande Par Koi Musibat Iske Deen Ke Baray me waqe ho ya Iski Zaat ke bare me ya is ke maal ke bare me.  Aur Zameene Khuda par koi hakim iski taraf se muqarrar na ho jo is musibat me sahi faisla denewala iska samjhadene wala ho.  Imam alaihis salaam farmate hain ke ye sunkar Hazrate Ilyas (a.s.) ne farmaya ke is baat me bhi aapne Aisi hujjat se band kiya ke aapke dushman ko khuda par iftera karna padega aur ye kehna pade ke allah ki hujjat hi nahi.  Ab mujhe in do ayato ki tafsir aur batadijiye.  LEKAILA TASAO ALA MA FATAKUM (Dekho Safa 862 Satar Aakhir)  Farmaya ye to Hazrat Ali Murtuza Alaihis Salaam Ke Saath Maqsoos Hai (Matlab ye hai ke in ko hukum hai ke tumhare haath se jo kuch nikal jaye iska afsos mat karo) (Aur doosri ayat) WALA TAFRAHU BEMA AATAAKUM (Dekho Safa 863 Satar 1) Farmaya Ye abubakar aur iske ashab ke baray me hai.  Matlab iska ye hai ke jo kuch tumko diya hai isme baad Janabe Rasulekhuda SAWS ke Tumhari Ek Ye Aazmaesh bhi Hai Jo Maine ki.  Hazrat Ilyas (a.s.) ne sunkar kaha ke mai gawahi deta hoon ke beshak aap hi aisa hukum desakte hain jisme koi iqtelaf na ho.  Imam alaihis salaam farmate hain ke iske baad wo utkar tashreef legaye aur phir maine inhe na dekha.

Neez Hazrate Abu Jafar alaihis salaam se manqool hai ke aye grohe shia Surah e INNA ANZALNAHU FI LAILATIL QADR ke saath mubahesa karo to tum hamesha apne dushmano par ghalib aaoge kyunki qasam bakhuda Janabe Rasulekhuda saws KE tamam maqluqe khuda par ye hujjate khuda hain aur ye tumhare deen ke sardar hain aur ye hamare ilm ki inteha hai.  Ay Grohe Shia Tum HAA MEEM WAL KITABIL MUBEEN.  INNA ANZALNAHU FI LAILATIM MUBARAKTIN INNA KUNNA MUNZEREEN. (Dekho Safa 791 Satar 3) Ke Zariye se mubahesa karo isliye ke wo Janabe rasulekhula saws Ke baad Sahibane Amr Ke Saath maqsoos hai.  Ay Grohe Shia Khudaye Taala Farmata Hai WA IM MIN UMMATIN ILLA KHALAFIHA NAZEER. (Dekho Safa 798 Satar 1) Kisine Arz Ki Ke Ya Abu Jafar (a.s.)! Kya Is ummat Ke Daranewale Janabe rasulekhula saws na the?  Farmaya Haan! Tu Sach Kehta Hai Magar Kya Besat Se Pehle Aanhazrat (saws) Atrafe Aalam Me Daranewale The? Sael Ne Arz ki nahi! Hazrat Abu Jafar alaihis salaam ne farmaya kya teri samaj me ye aata hai ke jaisa Janabe rasulekhula saws ko khudaye taala ne nazeer banakar maboos kiya koi aur nazeer maboos na kiya hoga?  Arz ki kyun nahi! Maboos kyun na kiya hoga?  Farmaya ye samajme aata haike jab Janabe rasulekhula saws Ko Isne Uthaliya To Koi Aur Daranewala Ne Bheja Hoga?  Agar Tu Kahe Nahi To Goya Janabe rasulekhula saws Ne Apni ummat ke in sab logo ko zaya kardiya jo Aanhazrat (saws) Ki Wafat Ke Waqt Baap ke Sulb Me The Ya Maa Ke Pet Aur Goad Me.  Kisi Ne Arz Ki Kya Qurane Majeed Inko Kaafi Nahi?  Farmaya Kaafi Hai Agar Is Ke Mufassir Ko Pale.  Tab Arz Ki Kya Janabe rasulekhula saws Ne Iski Tafsir Nahi Ki?  Farmaya Poori To Ek Shaks Keliye Ki Aur Baaqi Sab Ummat Keliye Iski Zarurat Ke Mawafiq Tafsir Ki Aur Wo Shaks Khaas Ali Ibne Abi Talib alaihis salaam Hain.  Sael Ne Arz kiya ke Ya Abu Jafar alaihis salaam! Kya Ye Amr aisa khaas hai ke aamlog iske hamil nahi hosakte?  Farmaya zaroor Asrare Khuda Khaas Hain.  Dekhle! Khuda Ko Ye To Kabhi Bhi Manzoor Nahi Tha Ke Batil Khudaon Ki Parastish Ki Jae.  Magar Jis Waqt Tak Deen Ke Zahir karneka waqte moayyan na aagaya inki pooja hoti hi rahi.  Isitarha Janabe rasulekhula saws Amre Islam Ko Hazrate Khadijatul Kubra Salamullahe Alaiha (Aur Ali Murtuza alaihis salaam) Par Zahir Karke Aoron Se chupate hi rahe.  Jabtak ke Elane Aam Karneka hukum na aagaya.  Sael Ne Arz Ki To Deen Ke Hakim Keliye Ye Chupana Lazim Hoga?  Farmaya Kya Ali Ibne Abi Talib alaihis salaam Is din se jis din se ke Janabe rasulekhula saws Ke Saath Islam Lae Is waqt tak nahi chupaya jabtak ke Aanhazrat (saws) Ne Apne Amr Ko Zahir Kiya?  Arz Ki Zaroor Aisa Huwa.  Farmaya Bas Isitarha Humko Bhi Hukum Diya Gaya Haike Is Waqt Tak Chupaen Jabtak Ke Qudrat Ke Likha Waqt Poora Ho.

Categories
Ilm

My Audios

Audio File

Categories
Ilm

Qur Rabbi Zidni Ilman – Quraan Majeed

Bismillahi Ar Rahman Ar Raheem

Qur Rabbi Zidni Ilman – Quraan Majeed

Ana Madinatul Ilm wa Aliun Babuha – Rasool Allah saws

Ilm ki ahmiat aur zaroorat ke baare mein zyaada tabsera karne ki ehtiyaaj nahi hai kyun ke na sirf Quraan aur Hadees e Masoomeen balke zindgi ke har pehloo mein jo hum rozana karte hain koi na koi ilm ka usse waasta hota hai, maslan jab bachcha paida hota hai toh apni zarooriaat ko zaahir karne ke liye awaazein nikaalta hai jis se uski zaroorat poori hoti hai yahaan kaha jaa sakta hai ke ye pehli cheez hai jo us ne seekhi toh pata chala ke seekhne ka yani ke ilm haasil karne ke silsile ka aaghaaz kahaan se hota hai, ghour talab baat hai ke ek bachcha jise duniya mein aaye hue chand lamhe guzre usko kis ne sikhaya ke apni zaroorat ka izhaar kaise kare toh bolna hoga ke ye uski fitrat mein hai aur ye fitrat is mein kis ne wadiat ki to kehna hoga ke Allah ne, ab  ye baat sabit hoti hai ke insaan ki fitrat mein seekhna hai, jaan-na hai, talab e ilm hai, Rasool e Akram saws ka ye qaul ke “ har bachcha fitrat e Islam par paida hota hai bas us ke paalne wale usey apne jaisa bana dete hain ” is hadees ke alfaaz fitrat e Islam bata rahe hain ke insaan mein tasleem karne ki fitrat hai koi baat us waqt tak tasleem karne se taalluq nahi rakhti jab tak ke us ka ilm na ho, baghair e ilm kisi baat ka tasleem karna bhi jehalat hai aur inkar karna bhi. Qatmi martabat saws ne farmaya ke “ mahed se lekar lahed tak ilm haasil karo ”  yun to duniya mein muqtalif uloom hain aur har ek par ilm ka itlaaq hota hai lekin ye baat taishuda hai duniya ke tamaam uloom ka faayda duniya hi  mein hoga to ab aql ka ye fareeza hai ke us ilm ko talaash kare ke jis se duniya aur aakherat dono mein faayda ho, kyun ki fitrat e insaan mein tehqeeq hai, toh ab jis ne insaan ki fitrat mein Islam ko rakha us par ye wajib tha ke tasleem karne ki daleelein bhi insaan tak pohonchaye aur usne ye kaam apne Habeeb saws se liya jo kehta hua nazar aaya ke “ Main tumhare beech do garahqadr cheezein chodhe jaa raha hoon Allah ki kitaab aur Meri Itrat jo in se mutammassik rahe who hargiz gumraah na hoga yahaan tak mujh se houz par mile” yani ke najaat ka zariya bas ye do cheezein hain aur kuch nahi aur ye dono aaj Quraan aur Hadees e Masoomeen ki shakl mein hamare beech maujood hain jis ke zariye se ilm haasil hota hai, ilm jis ki bina par maarefat hoti hai aur maarefat ki bina par mohabbat aur mohabbat ki bina par qurbat, toh buniyaad hui ilm, irshaad e Masoom hai ke “Ilm bas wohi hai jo hamare dar se nikle”, toh laazim hua ke ilm haasil karne ke liye inhi ki taraf rujuh karna chahiye, chunanche Allah ki kitaab ho ke Hadees e Masoomeen dono hi Arabi zabaan mein hain apni zabaan mein inko samajhne ke liye muqtalif tarjume kiye gaye, aaj duniya mein shioun ki aksariat jo zabaan bolti hai wo Urdu hai, isiliye zyada se zyada jo Ahadees wa Quraan ki tafseer ka tarjuma kiya gaya wo Urdu zabaan hi mein maujood hai iski ek khaas wajah ye bhi hai ke Arabi ka qareebtar tarjuma Urdu hi mein mumkin, lekin dekha ye jaa raha hai ke aaj ke mahool mein jo education system chala hai is mein aksar log Urdu se na balad hain aur in logoun ka mazhabi ilm haasil karne ka zariya ho ke likhne ya padhne zarooriaat ne ek nayee zabaan ko wajood mein laya jise hum aaj “Roman English” ya “Roman Urdu” ke naam se jaante hain, bas jab humne chaha ke Ilm E Ilahi aur Ilm E Mohammad wa Aale Mohammad saws ko is zabaan ke zariye se pohonchaya jaaye logoun tak toh jo pehli kitaab humare zahen mein aaye wo wo kitaab hai jise do Qabil e Ehteraam Ulema Syed Razi r.a. aur Syed Murtaza r.a ne murattab kiya aur Urdu mein iska qareebtar tarjuma Mufti Jaffer Hussain Sahab ne kiya jo mashoor o maroof hai Nahjul Balagha ke naam se, iske padhne waloun se adaban guzarish hai ke is kitaab se istefaada karein aur hamare haq mein dua karein ke Allah hamari is koshish ko kamyaab kare aur mazeed kaam karne ka mauqa ata kare.

Nahjul Balagha teen (3) hissoun mein munqasim pehle hum aap ki khidmat mein is ka pehla hissa pesh kar rahe hain deegar Inshallah jald hi pesh kiya jayega.

Roman Transliteration: Mir Akbar Ali Baquri

Supported by: Syed Abbas Hyder Naqvi                   

Suggestions queries would be appreciated @ [email protected].