KITABUL IQBAL MAIN SYED IBNE TAOOS (RA). RIWAYAT KI HAI KE EK DIN MASJID E BASRA MEIN NIFS E MAHE SHAABAN THA JANAB AMEERUL MOMINEEN (AS) TASHREEF RAKHTEY THAY, KUMAYL IBN ZIYAAD (RA) NE APNE MAULA SE ARZ KI, KE MUJHE DUA E QIZR (AS) TALEEM FARMAYEN.
YEH DUA E QIZR HAI JO DUA E KUMAYL KE NAAM SE MASHOOR O MAROOF HAI.
BISMILLAH IR REHMAAN NIR RAHEEM.
AYE ALLAH MAIN TUJHSE TERI IS REHMATH E KAAMILA KA WAASTA DEKAR JO HAR CHEEZ BADI HUI HAI AUR ISKA WASTA JISKI WAJEH SE TU HAR CHEEZ PAR GHALIB HAI, AUR HAR CHEEZ NE ISKEY AAGEY SAR JHUKAYA HAI.AUR HAR CHEEZ ISSE PASTH HAI. AUR TERE IS JABAROOT KA WASTA DE KAR SAWAAL KARTA HOON JIS KE SABAB SE TU HAR CHEEZ PAR GHALIB AYA AUR TERI IS IZZAT KA WAASTA DE KAR SAWAAL KARTA HOON JISKE SAAMNEY KOI CHEEZ NAHI TEHERTI, AUR TERI IS AZMAT KA WAASTA DE KAR SAWAAL KARTA HOON, JO HAR CHEEZ PAR NAZAR AATI HAI, AUR TERI IS SALTANAT KA WAASTA DE KAR SAWAL KARTA HOON , JO HAR CHEEZ PAR CHAAYI HUI HAI, AUR TERI ZAAT KA WAASTA DE KAR SAWAAL KARTA HOON JO HAR SHAYE FANA HO JAANE KE BAAT BAAKHI RAHEGI, AUR UN MOQADDAS NAAMO KA WAASTA DEKAR JIN SE HAR CHEEZ KE AALA HISSE BHAREY HUE HAIN, AUR TERE IS ILM KA WAASTA DEKAR SAWAAL KARTA HOON JO HAR CHEEZ KA AHATA KIYE HUE HAI , AUR TERI ZAAT KE IS NOOR KA WAASTA DEKAR SAWAAL KARTA HOON JIS KE WAJEH SE HAR CHEEZ MAIN CHAMAK DHAMAK HAI , AYE NOOR AUR AYE SABSE ZIYAADA PAAK AUR PAKEEZA, AYE SABSE PEHLO SE PEHLE, AYE SABSE AAKHIRON KE AAKHIR, YA ALLAH MERE SAB WOH GUNAH BAKSH DE JO NAMOOS MEIN BATTA LAGA DEY TE HAIN, AYE ALLAH MERE WOH SAB GUNAH BAKSH DE JO NUZOOL E BALA KA BAIS HOJATEY HAIN, YA ALLAH MERE WOH SAB GUNAH BAKSH DE JO NEYMATON KO BADAL DETEY HAIN, AYE ALLAH MERE WOH SAB GUNAH BAKSH DE JO DUAON KO KHUBOOL HONE SE ROKTEY HAIN, YA ALLAH MERE WOH SAB GUNAH BAKSH DE JO UMEED KO PURA NAHI HONE DETEY. YA ALLAH MERE WOH SAB GUNAH BAKSH DE JIN SE BALA NAZIL HOTI HAI, YA ALLAH MERE WOH SAB GUNAH BAKSH DE JO MAINEY KIYE HON AUR HAR IS GUNAH KO BAKSH DE JO MUJHSE HO GAYA HO, YA ALLAH MAIN TERI YAAD KE ZARIYE SE TERE HUZOOR MAIN KHURBATH CHAHATA HOON, AUR TERI HI ZAAT KO APNA SIFAARISHI TEHRATA HOON, AUR TERE JOOD WA BAKSHISH KO AUR KARAM KO ZARIYE GARDAAN KAR TUJHSE SAWAAL KARTA HOON KE MERE LIYE APNA QURB ZIYADA KAR AUR MUJHE APNI NEYMATON KA SHUKRIYA ADA KARNE KI TAUFIQ ATA FARMA.AUR APNI YAAD MERE DIL MEIN DAAL, YA ALLAH MEIN TUJSE GID GIDANEY WAALE, QUZU WA QUSHU KARNE WAALE AUR ROTEY AUR PEETEY HUE SAWAAL KARTA HOON, TU MERI QATAAON PAR CHASHM POSHI FARMA, AUR MUJHPAR REHEM FARMA AUR JO KUCH TUNEY MERE HISSEY LAGA DIYA HAI IS PAR MAIN RAAZI RAHOON, AUR KHANAAT KAROON. AUR HAR HALATH MEIN TERE BANDON SE BATAWAZE PESH AAON, YA ALLAH MEIN TERE HUZOOR MEIN, IS SHAKS JAISA SAWAAL KARTA HOON JIS PAR FAAQE KE KADAKEY GUZARTEY HAIN AUR TERE HUZOOR MEIN SAKHTION KI HAALAT MEIN APNI HAAJATH ISNEY PESH KI HO AUR JO KUCH TERE QAZAANEY MEIN HO, ISKE BAAREY MEIN ISKI KHAISH BADI HUI HO, YA ALLAH TERI DALEEL BADI KHAWI HAI, AUR TERA RUTHBA BOHOT BALAND HAI, AUR TERA BADLA LENA SAMAJH SE BAHAR HAI, AUR TERA HUKM ZAHIR HAI, AUR TERA QAHAR GHALIB HAI AUR TERI QUDRATH KA NIZAAM CHAL RAHA HAI, AUR TERI HUKUMATH SE BHAAG KAR NIKAL JANA NAMUMKIN HAI. YA ALLAH MAIN TOH APNE GUNAHON KE LIYE BAKSH DENE WALA AUR BURAIYO KE LIYE PARDAH POSHI KARNEY WALA AUR JO BHI MERI BAD AMALI HO ISKO NEKI SE BADAL DENE WALA TERE SIWA KISKO NAHI PATA. SIWAYE TERE KOI MAABOOD NAHI JOH MUNAZZA HAI, AUR MAIN TERI TAREEF KARTA HOON, MAINE APNI ZAAT PAR ZULM KIYA AUR APNI JEHALATH SE JARI HOGAYA, AUR CHOONKEY TU HAMESHA SE MUJH PAR EHSAAN KARTA RAHA HAI AUR TERI YAAD MERE DIL MEIN BAITI HAI ISSEY ITMENAAN KAR LIYA, YA ALLAH AYE MERE MAALIK TU NEY KITNI MERI BADIYON PAR PARDA DAAL DIYA AUR KITNI SAKHT SE SAKHT BALAON KO TU NEY TAAL DIYA, AUR KITNI QATAAON SE TUNEY BACCHA LIYA HAI AUR KITNI AZEEYATON KO TUNEY DAFA FARMA DIYA HAI. AUR KITNI MERI KHOOBIYAN JIN KA MAIN MUSTAHAQ NA THA TUNE LOGON MEIN MASHOOR KARDI HAI, YA ALLAH MERI AZMAISH IS WAQT BADH GAYI HAI AUR MERI BADHALI HAD SE GUZAR GAYI HAI, AUR MERE NEK AMAAL KAM HOGAYE HAIN, AUR SAQT TAKLEEFON NE MUJHE BITHA DIYA HAI AUR MERI UMEEDON KI DARAZI NE MUJHE NAFE SE BAAZ RAKHA HAI, AUR DUNIYA NE MUJHKO FAREB DIYA DHOKEY MEIN RAKHA AUR MERE NAFS NE APNI KHAYANATH AUR TAAL MATOL SE MUJHE DHOKA DIYA, AYE AQA BAS MAIN SAWAAL KARTA HOON TUJHSE TERI IZZAT KA WAASTA DE KAR KE MERI BAD AMALI AUR BAD FAILI MERI DUA KO TERE HUZOOR MEIN POHOCHNE SE NA ROKEY AUR MERE JIN POOSHIDA RAAZON SE TU MUTALLEH HAI INKO ZAHIR KARKEY MUJHE FAZEEHAT MEIN NA DAAL, AUR MAIN APNI GHAFLATH , KHWAHISHOUN KI KASRAT APNI JEHALATH AUR NEKI KI TARAF KAM RAQBATHI KE SABAB JO JO BURAIYAAN CHUP CHUP KE KAR CHUKA HOON INKI MUJHE SAZA DENE MEIN JALDI NA FARMA, AUR AYE ALLAH TERI IZZAT KA WAASTA MUJHPAR HAR HAAL MEIN MEHERBAANI FARMA, AUR MERE TAMAAM MAMLAATH MEIN SHAAN WA MEHERBANI DIKHLA, AYE MERE MAABOOT AUR AYE MERE PARWARDIGAR MERA TERE SIWA AUR HAI KAUN JISSE MAIN APNI MUSEEBATH KE DOOR KARNE KA AUR APNE MAAMLEY MEIN GHAUR KARNEY KA SAWAAL KAROON, AYE MERE MAABOOT AYE MERE MAALIK TUNE MERE LIYE EK HUKM JAARI KIYA JISME MAINEY APNI KHWAHISH E NAFSAANI KI PAIRWI KI AUR ISKI KOI NIGRAANI NA KI MERE DUSHMAN NE IS KHWAHISHE NAFSAANI KO MERI NAZAR MEIN ZEENATH DE DI. ISI TARAH JO KHWAHISH MERE DIL MEIN PAIDA HUI THI ISKEY ZARIYE SE MERE DUSHMAN NE MUJHE DHOKA DIYA AUR KHAZA WA QADR NE IS MUAMLEY MEIN ISKI SADATH KI, IS TARHA TERI MUQARRAR KI HUI HUDOOD SE AUR TERE JAARI KIYE HUE HUKM SE MAIN KUCH TAJAWUZ KAR GAYA AUR TERE BAAZ EHKAAM KI MUJHSE MUQALEFATH HOGAYI, BA HAR HAL IS TAMAAM MUAMLEY MEIN MERE ZIMMEY TERI HAMD BAJA LANA WAAJIB HAI, AUR JIS JIS AMR MEIN TERA FAISLA MERE BAR KHILAAF JAARI HUA AUR TERA HUKM AUR TERI AAZMAISH MERE LIYE LAAZIM HUI ISME MERI KOI HUJJATH NAHI HAI , AYE MERE MAABOOTH BAAD APNI KOTAHI AUR APNE NAFS PAR ZIYADATI KARNEY KE UZAR KARTA HOON AUR NADAMATH KE SAATH INKESARI KE HAALAT MEIN TALAB E MAGHFIRAT KARTA HOON, AUR GIDGIDATA HUA IKHRAAR KARTA HOON , GUNAHON KE DOOR HONE KE YAQEEN KE SAATH TERE HUZOOR MEIN HAZIR HUA HOON ISLIYE KE JOH KUCH MUJSE HO GAYA HAI ISSE NA KAHIN BHAGNEY KA THIKANA PATA HOON AUR NA RONE PEETNEY KI JAGAH KE JAHAN APNA MUAMLA PESH KAROON,SIWAYE ISSKE KE TU MERA UZAR QUBOOL KARLEY AUR APNE WASAT E REHMAT MEIN DAAKHIL KARLEY AUR MERA KOI THIKANA NAHI HAI, YA ALLAH SO AB MERA UZAR QUBOOL KARLEY AUR MERI TAKLEEF KI SAQTI PAR REHEM KAR AUR MERI JAKAD BANDIYON KO DOOR KAR AUR MERE PARWARDIGAR MERI JISM KI NATAWANI AUR MERE JILD KI KAMZORI AUR MERI HADDION KI KAMZORI PAR REHEM FARMA AUR WOH JISNE MERI PAIDAISH BHI SHURU KI MERA NAAM BHI NIKAALA MERI PARWARISH KA SAMAAN BHI KIYA MERE HAQ MEIN HAR TARHA HI NEKI BHI KI AUR MUJHE GHIZA DE KE BAHAM POHONCHAYE JAISE TUNE KARAM KI IBTEDAH KI THI AUR PHELE SE MERE HAQ MEIN NEKI KARTA AATA HAI WAISE HI BARKHARAR RAKH AYE MERE SARDAAR AYE MERE PARWARDIGAR BAAD ISKEY KE MAIN TERI TAWHEED KA IQRAR KARTA HOON AUR BAAD ISKEY KE MERA DIL TERI MOHABBAT SE SARSHAAR HO CHUKA HAI AUR MERI ZABAAN TERI YAAD MEIN RUTHBUL LISAAN HAI, AUR MERA DIL TERI MOHABBAT KI GARA BANDHEY HUYE HAI AUR ISKE BAAD MAIN TUJHE PARWARDIGAR MAAN KAR SACCHEY DIL SE APNE GUNAHOUN KA ETERAAF KARTA HOON AUR GIDGIDA KAR TUJHSE DUA MAANGTA HOON KYA TU ISKO PASAND FARMAYEGA KE MUJHE APNE JAHANUM MEIN AZAAB PATA DEKHEY AISA TOH HO NAHI SAKTA TERA KARAM ISSEY KAHIN ZIYADA HAI, KE TU ISKO ZAYA KARDE KE JISKO TUNE KHUD PARWARISH FARMAYA HO YA ISKO DOOR KARDE JISKO KHUD QURB ATA FARMAYA HO YA ISKO NIKAL DE JISKO TUNE KHUD PANAH DI HO YA ISSKO BALA KE HAWALEY KARDEY JISKEY LIYE TUNE KHUD KIFAYATH FARMAI HO JISPAR TUNE KHUD REHEM FARMAYA HO AYE MERE SARDAAR AYE MERE MABOOD AYE MERE MAULA YE BAATH MERE SAMAJH MEIN TOH AATI HI NAHI KE TU AATISH E JAHANUM KO IN CHEHRON PAR MUSALLAT FARMADEGA JOH TERI AZMATH KE LIYE TERE HUZOOR MEIN SAJDA KARCHUKEY HON AUR IN ZABAANO PAR MUSALLAT FARMAYEGA JOH SACHAI KE SAATH TERI TAWHEED KE BAREY MEIN GOYA HO CHUKI HON AUR TERI SHUKRIYA MEIN TERI MADHA KAR CHUKI HON AUR IN DILON PAR MUSALLAT FARMA DEGA JOH IZHAARE HAQEEQAT KE TAUR PAR TERE MAABOOD HONE KA ITERAAF KAR CHUKI HON AUR IN KHAYALAAT PAR MUSALLAT FARMAYEGA JINHE TERA ILM IS KHADAR MAYASAR HUA HO KE TERI HI HUZOOR MAIN PASTH HUE HON AUR IN HAATHON PAON PAR MUSALLAT FARMA DEGA JIN KI BAGH-DOR ISSI HAD TAK MEHDOOD RAHI KE BARZA WA RAQBATH TERA BANDA HONEY KA IQRAR KARE AUR YAKEEN KE SAATH TALAB E MAGHFERATH KARNE KI KOSHISH KARE. AYE SAHEBEY KARAM NA TOH TERI NISBATH AISA YAKHEEN HAI AUR NA TERE FAZAL KE MUTALAQ HAMEY AISI KHABAR DI GAYI HAI AYE MERE PARWARDIGAR HALAANKE TU MERI KAMZORI KO JAANTA HAI KE DUNIYA KI ZARA ZARA SI AZMAISH AUR ISKI CHOTI CHOTI SI TAKLEEFEIN AUR JO MAKROOHAAT AHLE DUNIYA PAR GUZARTI HAI INHEY MAIN BARDASHT NAHI KAR SAKTA BAWAJOOD YEH KE WOH AAZMAISH AUR TAKLEEF DERPA NAHI HOTI ISKI MUDATH THODI AUR ISKI BAQAH CHAND ROZ HOTI HAI, TOH BHALA PHIR MUJHSE AAKHIRATH KI BALA AUR WAHAAN KI BADI BADI MAKRUHAAT KI BARDAASHT KYUNKAR HOSAKEGI HALAANKE WAHAAN KI BALA KI MUDDAT TOOLANI AUR QAYAAM USKA DAEMI HOGA AUR JO IS MEIN PHAS JAYENGE IN KE AZAAB MEIN TAQFEEF NA KI JAYEGI IS LIYE WO AZAAB TERE GHAZAB TERE INTEQAAM AUR TERE GHUSSE KE SABAB SE HOGA AUR TERE GHUSSE KI NA AASMAAN BARDAASHT KAR SAKTA HAI AUR NA ZAMEEN AY MOULA MERE, BHALA MERI KYA HALAT HOGI HALAANKE MAIN TERA EK KAMZOOR WA ZALEEL WA MISKEEN WA AAJIZ BANDA HOON AY MERE MABOOD AUR MERE PARWARDIGAAR AUR MERE WALI AUR MERE MOULA KIN KIN MUAMLAAT KI TERE HUZOOR MEIN SHIKAYAT KAROONGA AUR KIN KIN BAATOUN KE LIYE RO-OUN AUR CHILLAOUNGA DARDNAAK AZAAB AUR IS KI SAQTI KE BA-ES.
YA TULAANI BALA AUR ISKI MUDDAT KI ZIYADATI KE LIYE AGAR TUNEY AZAAB MEIN APNEY DUSHMANO KE SAATH KARAR DE DIYA AUR AZAAB WALON KO AUR MUJHKO JAMA KAR DIYA AUR MERE AUR APNE DOSTON KE DARMIYAN JUDAAI DAL DI TOH TUJHE MALOOM HAI AYE MERE MAABOOT AYE MERE SARDAAR AYE MERE MAULA, AYE MERE PARWARDIGAR, MAIN AZAAB PAR TOH SABR KAR LOONGA LAIKIN TERI JUDAAI PAR KYONKAR SABR KAROONGA, MAINE MAAN LIYA HAI KE MAI TERI AAG KI GARMI PAR SABR KAROONGA LAIKIN TERI NIGHAHE KARAM KE BADAL JANEY PAR KYON KAR SABR KAROONGA YA AATISHEY JAHANNUM MEIN KYON KAR REH SAKOONGA DAR HALANKEY MUJHE TERI MAAFI KI UMEED LAGI HAI AYE MERE SARDAAR AYE MERE MAULA TERI HI IZZAT KI KASAM KHA KAR ARZ KARTA HOON AGAR TUNE MERA NATEQA NA BAND KAR DIYA TOH MAIN AHL E JAHANNUM KE DARMIYAN SE ZAROOR ISI TARHA NAAM LEKAR CHEEQUNGA JAISA KE UMEED LAGANEY WALE CHEEQHTEY HAIN , AUR ZAROOR ISI TARHA FARYAAD KAROONGA JAISE FARIYAADI FARIYAAD KARTEY HAIN, AUR ZAROOR TERI REHMATH KE FIRAAQ MEIN WAISEY HI ROUNGA JAISE NA UMEED HONE WALE ROTEY HAIN AUR ZAROOR BAAR BAAR TUJHE PUKAAROUNGA , AYE MOMINO KE SARPARASTH AUR AYE MARIFATH RAKHNEY WAALON KI UMEED KI MANZIL, AYE FARIYAAD KARNEYWAALON KE FARIYAAD RAS , AYE SACCHON KE DILOUN KE MEHBOOB AUR AYE ALAMEEN KE KHUDA, TU JAHAN BHI RAHE AYE MAABOOD TU PAK HAI AYE MERE KHUDA AUR MAIN TERI HAMD KARTA HOON KYA YE BAAT SAMAJH MEIN AATI HAI, KE TU ISI AAG MEIN SE EK FARMABARDAAR BANDE KI AAWAAZ SUNEY JO APNI MUQALEFAT KI PADAASH MEIN QAIDI HUA AUR ISKE AZAAB KA MAZA CHAK RAHA HO APNI MAASIYAT KI WAJAH SE AUR APNE JURM AUR QATA KE BADLEY ISKI TAH BA TAH TABQAAT MEIN BANDH KIYA GAYA HO AUR WOH TERI BARGAH MEIN CHEEQTA HO TERI REHMAT KI UMEED LAGANEY WAALE KI TARHA TERI TAWHEED KE MANNEY WALON KI ZUBAAN SE TUJHE KO PUKAAR RAHA HO, AUR TERI RUBOOBIAT KO WASILA BANATA HO AYE MERE MAULA PHIR WO AZAAB MEIN KAISE REH SAKE GA HAALANKE WO TERI GUZISHTA HILM WA MEHERBAANI KI UMEED LAGAYE HO YA KYON KAR ISKO AATISHE JAHANNUM TAKLEEF DEGI DAR HAALANKE WO TERE FAZL WA REHMAT KI AAS LAGAYE HO YA ISKO JAHANNUM KA SHOLA KYON KA JALAYE GA HAALANKE TU KHUD IS KI AAWAAZ SUN RAHA HO, AUG ISKI JAGAH KO DEKH RAHA HO YA ISEY JAHANNUM KI AWAAZ KYON KAR PARESHAN KAREGI DAR HAALANKE TU ISKI KAMZORI WAQIF HAI YA KYON KAR ISKE TABQOUN MEIN WO HARKAT KAR SAKTA HAI JAB KE TU ISKI SACHAI SE WAQIF HAI YA KYON KAR ISKO ISKEY SHOLEY PARESHAAN KAR SAKTEY HAIN JABKE WO TUJHE APNA RAB KEH KAR BULA RAHA HO KYON KAR HOSAKTA HAI KE WO TOH APNE JAHANNUM SE AZAAD HOJANEY MEIN TERE FAZL KI UMEED RAKTA HO AUR TU ISEY CHODEY AISA HO NAHI SAKTA HAI, NA TERI NIZBAT YE GUMAAN HAI AUR NA TERE FAZL SE AISI BAAT MASHOOR HAI AUR NA APNI NEKI AUR EHSAAN KE BAIS TUNEY AHL E TAUHEED KE SAATH KABHI IS TARHA KA MAAMLA KIYA HAI PAS MAIN TOH YAQEEN KE SAATH KEHTA HOON KE TUNEY AGAR APNEY MUNKIROUN KO AZAAB KA HUKM NA DIYA HOTA AUR APNEY MUQALIFEEN KO JAHANNUM MEIN DAEMI SAZA KA HUKM NA DE DIYA HOTA TOH KUL KE KUL AATISHEY JAHANNUM KO SARD AUR SALAMATI KA ZARIYA BANA DETA AUR KISI EK KA BHI ISME QAYAM WA QARAR NA HOTA LEKIN KHUD TUNEY APNEY NAAM PAK WO PAAKIZA MEIN QASAM KHAI HAI KE JAHANNUM KO KAFIROUN SE BHAR DEGA CHAHEY FOR JINOUN MEIN SE HO YA INSAANOUN MEIN SE AUR DUSHMANI RAKHNEY WAALOUN KO HAMESHA ISI MEIN RAKHEYGA AUR TU WO ZAAT HAI KE TERI TAREEF JALEEL WA AZEEM HAI, TU PHELE HI FARMA CHUKA HAI AUR INAAM WA IKRAAM WA EHSAAN SE FARMA CHUKA HAI KE KYA WO SHAKHS JO MOMIN HO ISKE MAANIND HO SAKTA HAI JO FAASIQ HO YE KABHI BARABAR NA HONGEY, AYE MERE MABOOD AYE MERE SARDAR AB MEIN TUJHSE SAWAAL KARTA HOON IS QUDRAT KE WASILE SE JO TUJHE HAASIL HAI AUR IS FAISLEY KE WAASTEY SE JO TUNEY HATMI TAUR PAR FARMAYA AUR JIN PAR TUNE JAARI KIYA IN PAR UNKA NAFAAZ HOGAYA TUJSE SAWAAL KARTA HOON KE IS RAAT MEIN AUR IS WAQT MEIN MERA HAR WO JURM JO MUJHSE HOGAYA HO AUR HAR GUNAH JO MUJHSE SARZAD HUA HO AUR HAR BURAI JISKO CHUPA KE KIYA HO MAAF KARDEY AUR JEHAALAT JISKO MAIN AMAL MEIN LAYA YA CHIPAYA HO YA ZAHIR KIYA HO POSHIDA KIYA HO YA ZAHIR BA ZAHIR KIYA HO AUR HAR AISI BURAI JISKE ANDARAAJ KA TUNEY KARAAM KA TABAIN KO TUNEY HUKM DE DIYA HAI MAAF KARDEY JIN KO TUNEY MERE HAR FAYL KI NIGRAANI SUPURD KI HAI AUR MERE AAZA WA JAWAREY KE SAATH SAATH INKO BHI TUNEY MERA GAWAH BANA DIYA HAI AUR INKE MAAWARA TU KHUD BHI MERE UPAR NIGRAAN HAI AUR GAWAH HAI INKA JO INSEY MAGHFI HAI , HALAANKEY APNI REHMAT SE TU INKO CHUPATA REHTA HAI AUR APNEY FAZL SE PARDA DAALTA HAI AUR MERA BADA HISSA QARAAR DE HAR IS NEKI MEIN JISEY TU NAAZIL KAREY YA IS EHSAAN MEIN JO TU KAREY YA HAR NEKI MEIN JISEY TU PHAILAAYE YA RIZQ MEIN JISEY TU WASI KAREY YA GUNAH MEIN JISEY TU MAAF KAREY YA GHALATI MEIN JISEY TU CHUPA DE AYE MERE PARWARDIGAR AYE MERE RAB,AYE RAB , AYE MERE KHUDA, MERE SARDAAR MERE MAULA AYE MERI BANDAGI KE MAALIK AUR JISKEY HAATH MEIN MERI TAQDEER HAI AYE MERE NUKHSAAN KE JAANNEY WAALE AUR MERE FAQR AUR FAAQEY SE WAAQIF AYE PARWARDIGAR, AYE PARWARDIGAR, AYE PARWARDIGAR, MAIN TUJHSE SAWAAL KARTA HOON TERE HAQ AUR PAAKEEZGI KE WAASTE SE AUR TERI AZEEM SIFATOUN AUR NAAMOUN KE WAASTEY SE MERE RAAT AUR DIN KE AUQAAT KO APNI YAAD SE BHAR DE APNI QIDMAT MEIN LAGEY REHNEY KI DHUN MEIN LAGA DE, AUR MERE AAMAAL KO APNI BARGHA MEIN QUBOOL FARMAALEY TAAKEY MERE KUL AAMAAL AUR WAZAIF KI EK HI WIRD HOJAYE AUR MUJHEY TERI HI QIDMAT KARTEY REHNE MEIN DAWAAM HAASIL HOJAYE, AYE MERE SARDAAR AYE WO JISKA MUJHEY AASARA HAI AUR JISKEY PAAS APNI SHIKAAYAT LAATA HOON AYE MERE PARWARDIGAR, AYE MERE PARWARDIGAR, AYE MERE PARWARDIGAR, MERE HAATH PAAOUN KO APNI QIDMAT KE LIYE MAZBOOT KARDEY AUR IS IRAADEY KE LIYE MERE QALB KO TAWANA KARDEY AUR TUJHSE KHAUF MEIN KOSHISH KI TAUFIQ ATA KAR AUR TERI QIDMAT KE LAGATAAR ANJAAM DENE KI TAAKIA SABAQATH KARNEY WAALOUN KE MAIDAAN MEIN TERE HUZOOR MEIN AANE KE LIYE AAGEY BADH RAHA HOON AUR TERI KHIDMAT MEIN POHONCHNEY KE LIYE JALDI KARNE WALOUN MEIN TEZ RAHOON, AUR TERA QURB HAASIL KARNEY WAALOUN KA SHOUQ HO AUR TERI BAARGAH MEIN QULOOS RAKHNEY WAALOUN KA SA QURB HAASIL HO AUR TUJHPAR YAKHEEN RAKHNEY WAALON KA SA KHOUF MIL JAAYE AUR TERI BAARGAH MEIN MOMINO KE SAATH JAMA HOJAOUN KHUDAYA JO SHAQS MERE SAATH BURAAI KA IRADA KAREY TOH TU BHI ISKEY SAATH WAISA HI IRADA KAR, AUR JOH MUJSEY CHAAL CHALEY TOH TU BHI ISEY WAISA HI BADLAA DE AUR MUJHE IN BANDOUN MEIN QARAAR DE JOH HISSA PAANEY MEIN TERE NAZDEEK SAB SE ACHCHEY HO AUR TERE QURB MEIN BADI MANZILAT RAKHTEY HO AUR TERE HUZOOR MEIN INHEY KHAAS QUSUSIYAT HAASIL HO ISLIYE KE YE RUTHBEY BAGHAIR TERE KHAAS FAZAL KE NAHI MIL SAKTEY AUR APNI KHAAS MEHERBAANI SE BEHRAWAR FARMA DE AUR APNI SHAAN KE MUTABIQ MUJH PAR MEHERBAANI KAR AUR APNI REHMAT SE MUJHKO MEHFOOZ FARMA AUR MERI ZUBAAN KO APNI YAAD MEIN CHALTA RAK AUR MERE DIL KO APNI MOHABBAT MEIN MUSTAGHRAQ RAKH AUR MERI DUA KHOOBI KE SAATH QUBOOL FARMA AUR MERI LARZISH KO KAR GUZAR KAR AUR MERI QATAA MAAF KAR ISLIYE KE TUNEY APNEY BANDON KE BAAREY MEIN TAY KIYA HAI KI WO TERI IBAADAT KAREY AUR TUNE INHEY APNEY SE DUA MAANGNEY KA HUKM DIYA HAI AUR TU INKEY QUBOOL KARNEY KA ZAAMIN HAI, PAS AYE KHUDA MAIN NE TERI HI TARAF LAW LAGAI HAI AUR TERI JAANIB AYE PARWARDIGAAR APNEY HAATH PHAILAAYE HAIN PAS APNI IZZAT KE SADQEY MERI DUA QUBOOL KARLEY AUR MERI UMMEED ATAA KARDEY AUR APNE FAZAL SE MERI UMMEED KO NA TODH, AUR JINOUN AUR INSAANOUN MEIN SE JITNEY MERE DUSHMAN HAI INKEY SHARR SE BACHALEY SABSEY JALDI RAAZI HONEY WAALEY ISKO BAQSH DE JISKEY DUA KARNEY KE ALAWA AUR KUCH BAS NAHI HAI BESHAK TU JOH CHAHEY ISEY KAR GUZARTA HAI AYE WO ZAAT JISKA NAAM DAWA HAI ZIKR SHIFA HAI AUR JISKI ITAAT MAALDAARI HAI TU REHEM KAR ISPAR JISKI POONJI UMMEED HAI AUR JISKA HATYAAR GIRYA HAI AYE NEMATOUN KE GAWAARA BANANEY WAALE AYE BALAAOUN KE DOOR KARNEY WALE AYE ANDHEROUN MEIN GHABRAANEY WAALOUN KO ROSHNI DENE WALEY AYE AISEY AALIM JISKO KISI NE TAALEEM NAHI DI MOHAMMED WA AALE MOHAMMED PAR DUROOD NAAZIL FARMA AUR MERE HAQ MEIN WO KAR JO TERI SHAAN KE ZEBA HAI AUR ALLAH KA DUROOD NAAZIL HO ISKEY RASOOL PAR AUR AS-HAAB E BARKAT IMAMOUN PAR INKI AAL MEIN SE AUR AISA BOHOT SA SALAAM HO JO SALAAM KA HAQ HAI.
